10 miejsc na Śląsku w których (nie) znajdziesz celebrytów


Kożdy z nos, łod czasu do czasu potrzebuje zażyć trocha towarzystwa gwiozd i osób z pierszych stron gazet. Z tyj okazji, pisza do wos tyn poradnik, kaj mocie sie wybroć na ślunsku, by łobejrzeć choby jedna morda, kero wieczorym śmiga po modrych dywanach i pozuje tym gupielokom - fotoreporterom na ściance, a za dnia w bytomskiej Plejadzie, kupuje wurszt na grilla. Kaj tyn grill robiom celebryty i czy dosz rada sie wprosić? Czytej dalyj.

Łostatnio wpadł mi w rynce artykuł blogera Grabari - ja, to tyn, z kerym żech kiedyś przeprowadzoł wywiad (naduś). Opisywoł on, kaj trza iść, by obejrzeć se z bliska Doda, youtuberów, czy Huberta Urbańskiego na ten przykład. I tak se pomyślołech - przeca nie yno tam lotają te celebryty. U nos, na ślunsku, momy nosze lokalne gwiozdy, kere latają po Wirku na Rudzie, czy po Batorym we Chorzowie. Trzeba yno być czujnym i dobrze wyostrzyć ślypia. W końcu zdjyncie z Anią Rubikową to wincyj lajków na Insta. Kożde miejsce oceniom w skali Celsjusza - im większo szansa spotkania znany osoby, tym bardziej gorko. Szybko pakuj aparat do pukieltasi i wskakuj do autobusu albo bany - jadymy na celebryckie łowy!

1. SPIŻ, KATOWICE
fot. www.katowice.spiz.pl
"Katowice nocą, ze spiżową mocą" - cało Polska już to śpiywo i wiy, że to właśnie w tym miejscu, zupełnie nikt znany się nie pokazuje. Legenda głosi, że roz przyjechała Cleo z Donatanem i przez cołko impreza wadzili się z ludźmi, bo Ci im godali, że są gorolami, na co artystka stanowczo odpowiadała, że są słowianami. Po dwóch godzinach haji, wyszli na zewnątrz, żeby pooddychać świeżym powietrzem i dostali pylicy.
 10°C

2. KOPALNIA GUIDO, ZABRZE

fot. screen z youtube.pl

Jak już dobrze wiycie, życie celebryty to ciynżki łorzech do zgryzienio. Nie kożdy uwielbio, jak po ulicy loto za nim fotograf i nadupio mu flesze po łoczach. Z tego tyż powodu, w kopalni Guido łostatnio bardzo czynsto chowo się Kuba Wojewódzki. Jak potwierdzo jedno frela z jego łotoczenia, Kubuś mo ostatnio lęk przed kożdym kto na niego się ino wejrzy, wiync zabarykadowoł się 170 m pod ziemią, z kilkoma torebeczkami biołego proszku. Frela w tajymnicy zdradziyła, że to lekarstwo, żeby przeszczep włosów się przyjął. Niy oceniom, yno polecom ubierać lacie i lecieć na ul. 3 maja 93. Może dali tam siedzi!
°C

3. STADION ŚLĄSKI, CHORZÓW

fot. gazeta.pl

To tukej, pomimo faktu, że stadion do fusbalu ciągle jest nieukończony, spotykają się ślonskie (i nie tylko) WAGS. To tukej swoja kariera tak naprawdę zaczęła Natalia "Nataliyah" (tak mo na fejsie - fest ślunskie) Siwiec. Podczas szpilu Piast Gliwice vs. Ruch Chorzów w bala, Nataliyah oblekła sie w barwy Górnika Zabrze i bez cołki szpil darła japa "polska gola". Już wtedy nikt nie traktował ji poważnie, a po meczu, stała się sławno w kręgach kibicowskich pod pseudonimem "ipta ynta" co w wolnym tłumaczeniu na wosz gorolski to "głupio kaczka". Przyjaciele z jednej z grup kibicowskich tłumaczą to faktym, że to przez tyn jej napompowany mamlok.
°C

4. ENERGY 2000, KATOWICE

fot. Energy2000 Katowice

Energy 2000 to chyba nosz najbardziej znany klub na ślunsku, zarozki po Spiżu. To taki nosz katowicki BAL, yno nie założyli go youtuberzy, nie jest tam tak drogo i niy ma nikogo znanego. No chyba, że akurat momy impreza z jakimś "znanym" didżejem, to całko wiara z okolicznych wsi zbiyro sie na ulicy Plebiscytowej, żeby po stoniu w godzinny kolyjce (jak u Wos we BALu), dowiedzieć się, że szesnastolytnio dziołszka przede mnom włazi do klubu bez problymu, a jo, machając dowodem, kery mom już łod trzech lot - niy. Selekcja, chopy! Także łoblykaj fajno kieca z dekoldym odsłaniającym Twój cycyhalter na tyla, coby chop na bramce zamiast w legitymacje, patrzył Ci na klata i idź na zolyty przy dobrym techno. Może jak Ci sie poszczynści, to spotkosz Stiflera, Mało czy Trybsona z Warsaw Shore. No może Trybsona to niy, bo terozki, od kiedy drugi bajtel w drodze, to po chopie.
12 °C

5. ULICA MARIACKA, KATOWICE
fot. katowice.naszemiasto.pl

Po całodziennym dupaniu na grubie, kożdy szanujący się górnik musi ugasić pragnienie dużym kufelkiem zimnego piwka. Jak się okazuje - niy yno górnik. Ulica Mariacko słynie już z tego, że jest to najbardzi imprezowy punkt na mapie Ślunska. Jako, że kożdy wiy, że po Top Model niy mo roboty, czynsto z wizytą wpado Radek Pestka, kerego pulok zdobył wiynkszo sława niż on som. Szukejcie go po hajźlach w Pijalni Wódki i Wina albo Coolera. Magda Gessler otwarła kiedyś nawet szynk "U Alojzego", ale z niewiadomych powodów szybko zawarła interes. Podobno inksze modelki z Top Model wyżarły jej cołko rolada, gumiklyjzy i modro kapusta, kerą miała w zapasie na rok, ale to ino domysły. Jak widać, modelki zajadają się tym tak samo dobrze jak wacikami.
C==8 °C HEHE

6. CENTRUM KULTURY, CHORZÓW
fot. party.pl

Chorzowskie Centrum Kultury łod 2014 roku stało się miyjscym, kaj swoje niesnaski rozwiązujom sławne osoby. Wszystko zapoczątkowała oczywiście Doda, kero naklupała tej giździe Agnieszce Szulim na gali "Niegrzeczni 2014". Łod tego czasu, idzie obserwować tam regularne haje celebrytów, kerzy niy za bardzo radzom se z emocjami. Nojpiyrw ciulną se po mordach, a potym we sądach sie wadzom, kery zaczął i wiela mu musi zapłacić zadośćuczynienia. Niy podoba mnie sie tyn fakt, że take gorolskie zwyczaje sprowadzane są tukej do nos, ale w zamian momy celebrytów.
36,6°C

7. JEZIORO CHECHŁO, CHECHŁO
fot. screen z fanpage'u wsieci.pl

Po łostatnich doniesieniach ze chałpy Hanny Lis, okazało się, że dziołcha została bez dudków. Sprawa jest na tyle poważno, że jak sama pedziała: "Jestem tak biedna, że moja gosposia nie ma mi co do gara wrzucić". W tym nieszczynściu jest sporo szczynścia. Do Wos! Media pedziały, że Pani Lisowo wyjechała na kilka dni kajś do Grecji, coby se wiela spraw przemyśleć. Nie słuchejcie mediów, one fandzolą gupoty, Haneczka przyjechała pod namioty na Chechło. Jak jest żeś gorol ze Warszawy, to niy mosz pojęcia co to Chechło. To taki... tajny raj na ziemi pod ślunską chmurką dla hanysów. Kożdy ślązok, zapytany kaj boł ze rodziną we niedziele po mszy, KOŻDY, ALE TO KOŻDY, odpowie Ci - Chechło. Nie dziwcie się yno, że nie jest o tym głośno i prosza, niy godejcie nikomu, a już na pewno niy pukejcie ji do namiotu. Łona i tak ma już teraz ciężko. Jak niy widzisz nic nadzwyczajnego w Chechle, musisz być z Warszawy.
15 °C

8. RYNEK, KATOWICE
fot. Pudelek.pl; Fakt.pl

Kiedy ukończono katowicki rynek, z okien familoków zaczęły dobiegać głosy "Karyna, odwołuj Bułgaria, jadymy na rynek." Wszystkie biura podróży zaczęły upadać, a miasto ogrodów dostało nowe, turystyczne życie. Cołki rozgłos jest sprawkom palm, leżaków i sztuczny Rawy, kere stały się bardziej rozpoznawalnym symbolem Katowic niż Spodek i Nikiszowiec. Jeśli miejsce jest popularne, to wiadomo, że celebryty muszą się pokozać. Tak tyż było. Natalia Siwiec, Grażyna Wolszczak czy Joanna Liszowska przyjechoły połopalać się w ślunskim słońcu, pokazując swoje wdziynki mieszkańcom. Stawiam cołki wagon wyngla, że właśnie w tyj chwili leży tam ktoś znany.
45 °C

9. CH ZAŁĘŻE, KATOWICE
Centrum Handlowe Załęże to takie Złote Tarasy Ślunska. To tukej celebryty spikajom się na tzw. ustawki, kupując najpiynkniejsze klajdy u noszych regionalnych projektantów, a blogerki modowe lotajom od boksu do boksu, prosząc o współpraca. Bliskie frelki Jessi Mercedes potwierdzajom, że była fest oburzono, jak otworzyła giftbaga, a w nim znalazła wszystkie geszynki zrobione z wyngla.
16 °C

10. OFF FESTIVAL, KATOWICE
        TAURON NOWA MUZYKA, KATOWICE
fot. Radosław Kaźmierczyk

Niby festiwal, a nawet Maffashion tukej nie loto, winc sie niy liczy. Niych żałuje, bo to nosza ślunska Koczela!
°C



*Cołkie zestawienie jest do żartów, i jeśli tego nie kumosz, toś je gupi. Dzienkuja.

3 komentarze:

  1. bombowy artykuł i ciekawy pomysł na posta. Podoba mi się Twój sposób pisania, jeśli chodzi o poczucie humoru. Sam tekst ciężko mi było czytać, bo nie potrafię mówić w takim języku.
    Ja jestem z Białegostoku - mogę trochę pośledzikować :D

    OdpowiedzUsuń

INSTAGRAM

@lebio.pl